मराठी क्षण..........(Nits...!)

Wednesday, January 25, 2012

तुझी येण्याची आशा कधीच सोडली,

आता मीच जग सोडणार आहे.

तुझ्याशिवाय जगणं मला आता,

अगदी खरं कळणार आहे.

Tuesday, January 24, 2012

रडायचे नाही म्हणुन खुप अड़लो मी...

रडायचे नाही म्हणुन खुप अड़लो मी

विसरून जाइन तुला समजून किती रडलो मी

का तूला आठवू... हाच विचार करतो मी

अळव्यावरच्या थेम्बा प्रमाने क्षण क्षण मरतो मी

नाही कधी जाणार आपण भेटायचो जिथे

मनात माझ्या रोज ठरवतो मी

तुझी अनुपस्तिथि असल्याने जीवनात

रोज तिथे एकांतात रडतो मी

नको दिसावा तुझा चेहरा

रोज देवास पाया पडतो मी

पाकिटातला तुझा फोटो फाड़ताना

गलातल्या त्या खलीवर रडतो मी

एकपण वस्तु तुझी का ठेवावी जवळ

म्हणुन कपाटातल्या सर्व वस्तु काढतो मी

प्रत्येक वस्तु एकदा हृदयाला लाउन

मुक्त कंठाने रडतो मी .......

Sunday, September 18, 2011

ती असावी

Nits

कुठे म्हणालो परी असावी
कधीतरी पण घरी असावी

हवी कुणाला छचोर मैना ?
वरायला छोकरी असावी

तरुस घरदार मानणारी
अशी कुणी वानरी असावी

नको अवाढव्य बॅंड-बाजा
फुकायला बासरी असावी

नकोय काकूसमान पण ती
जरा तरी लाजरी असावी

नकोत लुगडी जुनेर सूती
कधी तरी भरजरी असावी

उसळ नको अन् नको आमट्या :(
खमंग मुर्गी करी असावी

नको "वहाव्वा", "सुरेख", "उत्तम"
विडंबनं बोचरी असावी

विदीर्ण झालास 'खोडसाळा'
तिची जिव्हा कातरी असावी..

Friday, September 16, 2011

नाही विचारले मी तिला................

ती आवडली पण मी नाही विचारले तिला
Delete करेल Friends लिस्ट मधून ती मला
बोलणार नाही माझ्याशी म्हणून
नाही विचारले मी तिला...............
चुकीच्या नजरेने पाहिलं ती मला म्हणून
नाही विचारले मी तिला ...............
एक गैरसमज करून घेईल ती माझ्या बद्दलचा म्हणून
नाही विचारले मी तिला ...............
समोर कसा जाणार तीच्या म्हणून
नाही विचारले मी तिला .............
भेटून सुद्धा नाही भेटणार म्हणून
नाही विचारले मी तिला ................
कोणाला सांगूही शकणार नव्हतो की किती आवडते ती मला
कसा सांगणार मी तिला की खूप आवडतेस तू मला
भीती वाटते एका नाही ची म्हणून
नाही विचारले मी तिला .......................
आजुन किती Valentine Days निघून जातील पण
नाही विचारणार मी तिला.............
राहू दे मला या गोड अशा गैरसमजुतीत की आवडतो मी तिला .........आवडतो मी तिला ......

Monday, July 25, 2011

खूप दिवसापास्न चाललय डोक्यात...

जाऊ दे आता...

ठरवून काही कविता होत नाही..

खरंच..पटलय आता मनाला...

डोळ्यात पाणी दाटत...अश्रू सुसाट वाहतात...पण शब्द मात्र फुटत नाहीत..

पण ती असताना जमलच नाही कधी...

होतं कुणीतरी हक्काचं माझ्या...जिच्यासाठी कविता केली असती मी..

आणी झालंच जरी..तर कोण बसणारे बघत..आहे का तेवढा वेळ कुणाला..

देवालाही जरा आपल्या परीक्षेत नापास करावं..

कधी कधी वाटत..काही तरी मोठं...

प्रेम

प्रेम दोन शब्दांचे खेळ नसते,
निव्वळ छेद-छेडीची वेळ हि नसते,
खरंतर प्रेमाची प्रत्येकाची,
वेगळीच एक व्याख्या असते.....
प्रेम म्हणजे....
प्रत्येक श्वासात - प्रत्येक क्षणात,
प्रत्येक सुखात - प्रत्येक दुखात,
एक-मेकांना साथ देण्याची वेळ असते
प्रेम म्हणजे....
त्याचं तुझ्यावर - तुझं त्याच्यावर,
स्वतःही पेक्षा जास्त,
विश्वास असण्याची गरज....
प्रेम म्हणजे....
एक-मेकांचा आदर,
एक-मेकांच्या भावनेचा आदर,
एक-मेकांच्या शब्दांचा आदर असणे...
प्रेम म्हणजे....
एक-मेकांसाठी हसत - हसत मारण्याची,
कधी मरत - मरत जगण्याची,
एक-मेकासाठी सगळं काही त्यागायची वेळ...
प्रेम म्हणजे....
निर्मल मैत्री,
एक-मेकासमोर मन मोकळं करण्याची बेधडकता,
अतूट सोबत असण्याची खात्री....
प्रेम म्हणजे....
एक-मेकांत जीव गुंतवणे,
दोन शरीर एक आत्मा होणे,
एक जीव होणे...
प्रेम म्हणजे काय असतं,
प्रेम म्हणजे प्रेम असतं,
ते सगळ्यांच्याच नशिबात नसतं,
अन् ज्यांना मिळतं,
त्यांनी ते जीवापाड जपायचं असतं..
माझ्यासाठी प्रेम म्हणजे,
तुझ्या आठवणीत जगणे,
त्यांना जीवापाड जपणे,
फक्त त्यांना जपायसाठीच जगणे

तू का असं वागतेस ?

मला पाहुनसुध्दा न पाहिल्यासारखं करतेस,
तू का असं वागतेस ?

फोनवरून गप्पा करतेस आणि भेटल्यावर अबोली होतेस,
तू का असं वागतेस ?

भेटीला बोलविले तर तूच उशिरा येतेस
आणि मला वाट पहायला लावतेस,
तू का असं वागतेस ?

माझ्या बावळटपणांवर मात्र खुदकन हसतेस
आणि मी हसलो तर लगेच रागवतेस,
तू का असं वागतेस ?

माझे गुणदोष दोन्ही मान्य करतेस
आणि तुझे गुणदोष मात्र तू लपवतेस,
तू का असं वागतेस ?

'प्रेम' माझ्यावर करतेस आणि
तेहि तू तुझ्या नखयातून दाखवतेस,
तू का असं वागतेस ?